ასწლოვანი კაკლების ხეივანში მიემართება გზა ჰერეთისკენ. ლამაზია იგი ზაფხულში , დაბურულ ფოთლებში ცის პატარა ნაგლეჯსაც რომ ვერ დაინახავ, ლამაზია ზამთარშიც , მძლავრი ტოტები ნაცრისფერ ცაზე ოსტატურად მოხატული რომ გეჩვენება...ჰერეთში ჩასულ კაცს ბევრი რამ მოაგონებს ძველს, ქართულს, უთუოდ მოხიბლავს ბუნება, მიიზიდავს ელისუ თავისი ისტორიული წარსულით, თამარ მეფისდროინდელი უბურჯო ხიდი - ულუქორფი, რომლის ქვეშაც გრიალით მოქუხს მდინარე ქურმუხი, ერთ მთლიან კლდეზე აშენებული ქურმუხის წმინდა გიორგის საყდარი, რომელიც მე-9 საუკუნისაა, ლექეთის მონასტრისა და ყუმის ტაძრის ნანგრევები, კავკასიონის კედლის ნაშთი, სოფელი გიულუქი (ვარდოვანი), სადაც გადმოცემით თამარ მეფის საზაფხულო რეზიდენცია ყოფილა (დარჩენილია ნანგრევები), ქალაქ ” ბაზრის ” ნანგრევები, ლევან მეფის მიერ აგებული ღვთისმშობლის ეკლესია, სოფელი ალიბეგლო, ალათემური, მეშაბაში, ალიაბათი, ითითალა, მოსული და მრავალი სხვა ისტორიული ადგილები. ჩვენი მიზანია ქართველმა საზოგადოებამ დიდი ინტერესი გამოიჩინოს საქართველოს ამ უძველესი კუთხისადმი, მისი წარსულისა და აწყმოსადმი, ასევე ბევრი დამხმარე და გულშემატკივარი გამოუჩნდეს ერთ დროს საქართველოს ღვიძლ კუთხეს ჰერეთს. ამ მიზანს ემსახურება საიტი www.hereti.webnode.com. შემოგვიერთდით და გაიგეთ მეტი ჰერეთის წარსულსა და აწყმოზე.

დაასრულეთ ქვემოთ მოყვანილი ფრაზა!!!